Whai mōhiotanga me pēhea te takiuru ki tō Karere ā-Tukutuku Slingshot me te tuku, te whakahoki kōrero, te whakamua me te muku īmēra.

Ngā Tūāpapatanga o te Karere ā-Tukutuku

• Me pēhea au e waitohu ki tōku pūkete Karere ā-Tukutuku Slingshot?
  1. Takiuru ki tō Karere ā-Tukutuku mā te tāuru i tō ingoa whakamahi īmēra me tō kupuhipa.
  2. Takia te pouakataki e kīa ana 'I'm not a robot', ā, pāwhiria te wāhanga 'Login' kia uru atu ki ō īmera.

   

   

• Me pēhea te tuku īmēra?
  1. A te wā kua uru ki tō Karere ā-Tukutuku Slingshot, pāwhiria te Compose mai i te taha mauī o runga kia tūwhera mai tētahi īmēra hou.
  2. Patopatohia te wāhitau īmēra o te tangata e hiahia nei e koe te īmērahia ki te āpure 'To'. Kei a koe te tikanga mō te maha o ngā wāhitau īmera ka tāuru ki tēnei āpure. Wāwāhitia ia wāhitau īmēra ki te piko.
  3. Patopatohia te kaupapa o tō īmēra ki te āpure Subject.
  4. Patopatohia te kiko o tō īmēra ki te pouaka mā nui kei raro iho i te āpure Subject.
  5. Pāwhiria te Send kia tāpaetia tō īmēra.
• Me pēhea au e whakahoki kōrero ki tētahi īmēra?
  1. Pāwhiria te īmēra e hiahiatia nei e koe te tuku whakahoki kōrero, ā, tīpakohia te ata 'Reply', e āhua taurite ana ki tētahi pere e ahu ana ki te taha mauī. Mēnā kei te whakahoki kōrero koe ki ngā kaiwhiwhi maha, tīpakohia te ata 'Reply all'. E āhua taurite ana tēnei ata ki ngā pere e rua e ahu ana ki te taha mauī.
  2. Waihangatia tō īmēra, kātahi tīpakohia te 'Send'. Kia mōhio mai: I te wā e whakahoki kōrero ana ki tētahi īmēra, kua whakakīa kē ētahi o ngā āpure o te īmēra.
     
     • Kei te āpure 'To' te kaituku me ngā īmēra tārua pūrua.
     • Kei te āpure kaupapa kē te kaupapa o te īmēra, heoi, kei te timatanga o te kaupapa ko te 'Re:'.
     • Kei te īmēra whakahoki kōrero te īmēra tūturu. Kia mōhio mai: I te wā e whakahoki kōrero ana ki tētahi īmēra, kua whakakīa kē ētahi o ngā āpure o te īmēra.

  

• Me pēhea au e whakamua i tētahi īmēra?

  1. Tīpakohia te īmēra e hiahia nei e koe te whakamua.
  2. Pāwhiria te ata 'Forward', e āhua taurite ana ki tētahi pere e ahu ana ki te taha matau.
  3. Patopatohia te kaiwhiwhi, ngā kaiwhiwhi rānei ki te āpure 'To'. Kei a koe te tikanga mō te maha o ngā wāhitau īmera ka tāuru ki tēnei āpure. Wāwāhitia ia wāhitau īmēra ki te piko.
  4. Waihangatia tō īmēra, ā, pāwhiria te 'Send'.

  Kia mōhio mai: I te wā e whakamua īmēra ana, kua whakakīa kē ētahi o ngā āpure o te īmēra:

  1. Kei te āpure kaupapa kē te kaupapa o te īmēra, heoi, kei te timatanga o te kaupapa te 'Fwd:'
  2. Kei te īmēra whakamua te īmēra tūturu. Kia mōhio mai: I te wā e whakahoki kōrero ana ki tētahi īmēra, kua whakakīa kē ētahi o ngā āpure o te īmēra.

• Me pēhea au e muku i tētahi īmēra?
  1. Tīpakohia te īmērā, ngā īmēra rānei e hiahia ana e koe te muku. Ki te hiahia koe ki te tīpako i ngā īmēra maha, pēhi me te pupuri i te pātuhi mana i a koe e tīpako ana i ngā īmēra.
  2. Pāwhiria te ata 'Delete', e āhua taurite ana ki tētahi ipu para.

  Kia mōhio mai: Ka tae atu ngā īmēra ā-muku ki te kōpaki muku. Ka āhei e koe te whakaora anō i ngā īmēra ā-muku mā te whakahoki ki te pouakauru mai i te kōpaki muku.

• He aha te tātari ā-īmēra?

  He pūnaha whakarōpū, he pūnaha hoki te tātari ā-īmēra kia tuku i ngā īmēra ki ngā kōpaki tohitū. Ka āhei e koe te tātari i ngā īmēra mā te whakamahi i ngā āhuatanga e tūhāhā ai ki aua īmēra pērā ki te wāhitau īmēra o te kaituku, te kaupapa o te īmēra, te kiko o te īmēra, aha atu, aha atu.

  1. Tīpakohia te kōwhiringa 'Settings' mai i te taha matau o runga.
  2. Whiriwhiria te 'Filters' mai i te tahua ā-taha mauī, ā, pāwhiria te ata '+' ki te tīwae Tātari.
     
  3. Ka poka tētahi matapihi ki te taha matau, ā, kua tapaina 'Filter definition'. Tīmata mā te whakatau ingoa mō tō tātari ki te āmio ingoa tātari.
  4. Whakaotia ngā ture mō tō tātari e hāngai ana ki ērā o ngā momo īmēra e tātari nei koe. Ka whakawhitia te tauira o raro i te katoa o ngā īmēra mai i "notmyfriend@gmail.com" ki te kōpaki Paraurehe. Pāwhiria te 'Save' kia tāpaehia ngā panonitanga.
     

Te Rapurongoā ā-Īmēra

• Ngā Tautuhinga ā-Īmēra

  Ka āhei e koe te whakamahi i te Karere ā-Tukutuku kia titiro me te tuku i ngā īmēra, kia whakamahi rānei i tētahi taupānga ā-īmēra. Ina ka whakamahi koe i tētahi taupānga ā-īmēra, whakamahi ēnei tautuhinga POP/SMTP, tautuhinga IMAP rānei kia whirihora i ōu īmēra ki to pūrere.

  1. Ingoa Kaiwhakamahi: Koinei te wāhanga tuatahi o tō wāhitau īmēra, ko te wāhanga i mua mai o te tohu @. Hei tauira, mēnā ko te rehkel@slingshot.co.nz tō īmēra, ko te rehkel tō ingoa kaiwhakamahi.
  2. Ingoa: Koinei te ingoa ka kitea e ngā kaiwhiwhi kei ō īmēra i te wā ka whiwhi īmēra rātou mai i a koe. Ka āhei e koe te whakatau kia noho tō ingoa katoa, kia noho tō īmēra rānei.
  3. Wāhitau īmēra: Te katoa o tō wāhitau īmēra Slingshot, hei tauira rehkel@slingshot.co.nz.
  4. Kupuhipa: Tō kupuhipa īmēra ā-Slingshot

  

• E kore e taea e au te takiuru ki te Karere ā-Tukutuku?

  1. Kia mātua tuku noa i te wāhanga tuatahi o tō wāhitau īmēra ki te āpure Ingoa Kaiwhakamahi. Hei tauira, mēnā ko te rehkel@slingshot.co.nz tō īmēra, ko te rehkel tō ingoa kaiwhakamahi.
  2. Kia mātua tohu i te pouakataki 'I'm not a robot' me te whakaoti i te reCAPTCHA mā te kōwhiri i ngā pikitia e tika ana. Ka whatungaro te reCAPTCHA āmuri i te paunga o te 30 mīniti.
  3. Mēnā kua tautuhi anō koe i tō kupuhipa ā-īmēra, ka 30 mīniti te roa kia whakahoungia te kupuhipa ki tō mātou pūnaha. Tatari kia 30 mīniti, ā, whakamātauhia anō kia takiuru.

  Ki te whakaoti i ēnei hātepe katoa, ā, e raru tonu ana tō takiuru ki te Karere ā-Tukutuku Slingshot, tēnā whakapā mai ki tō mātou ranga.

• E kore e taea e au te whiwhi īmēra, me aha ahau?

  Ka taea ētahi hihira māmā te whakamahi kia tautoko pea i te whakatika i tēnei momo raru. Āta whai i te rārāngi take kei raro iho nei, ā, whakamātauhia mēnā ka taea e koe te takiuru.

  • Tirohia tō pouakamēra me te mea me kaua e 100% tōna kī, ki te tata atu ki te 100% tōna kī, tēnā mukua ētahi īmēra. Ka āhei e koe te kite atu i ō taumata rokiroki ā-pouaka mēra ki te taha mauī o raro o tō mata. Mēnā e kore e taea e koe te muku i ngā īmēra, toro atu ki te wāhanga 'I can't delete my emails, what can I do?'.
    
  • Monoa ngā tātari katoa kua waihangatia e koe, hāunga ko te mea taunoa '#1', me hohe tonu tēnā. E whakaatu ana te whakaahua kei raro iho nei kua monoa te tātari 'whakamātau'.
    

  Ina kei te kore whiwhi īmēra koe mai i tētahi tangata noa, tēnā whakakoia me te kaituku mēnā kei te whiwhi karere hapa ia i a ia e ngana ana ki te tuku. Ki te haere tonu tō kore whiwhi īmēra mai tētahi tangata noa, whakarawengia ngā tauira e 3 mai roto o te 24 hāora ki tō mātou ranga, ā, me whai i te raupapa kua hora ki raro iho nei.

  1. Te rā me te wā o te īmēra:
  2. Te wāhitau īmēra o te kaituku:
  3. Te wāhitau īmēra o te kaiwhiwhi:
  4. Te kaupapa o te īmēra:
• E kore e taea e au te tuku īmēra, me aha ahau?
  He maha ngā take e whakakorengia pea tō āheinga kia tuku īmēra. E tūtohi ana mātou kia whai i ēnei tohutohu, ā, kia whakatau mēnā ka taea e koe te tuku īmēra.

  • Tukua tētahi īmēra ki a koe anō mā te whakauru i tō wāhitau īmēra Slingshot katoa ki te āpure 'To'. Ki te kore whiwhi i tēnei īmēra i mua i te paunga o te 10 mīniti, ā, ehara i te mea kua kī rawa tō pouakamēra, whakapā mai ki tō mātou ranga.
  • Whakakoiatia e whiwhi ana e koe tētahi karere hapa, ka whakarawengia te karere hapa i ētahi pārongo anō e hāngai ana ki te take e pēnei ana te raru. Ko ētahi tauira take ko te kī rawa o te pouakamēra o te kaiwhiwhi, kua tohua ō īmēra hei īmēra paraurehe e te tūmau īmēra o te kaiwhiwhi rānei.
  • Ki te pā noa te raru o te tuku īmēra ki tētahi wāhitau īmēra noa iho, ā, kāore koe i te whiwhi karere hapa, whakarawengia ngā tauira e 3 ki tō mātou ranga me te rā, te wā, te kaupapa o te īmēra, otirā ngā wāhitau īmēra ā-kaiwhiwhi, ā-kaituku anō hoki.
• E kore e taea e au te muku i āku īmēra, me aha ahau?

  I te wā e 100% te kī o te pouakamēra, tēnā pea ka raru tātou me te whakapiako i ngā kōpaki tūemi kua mukua. Ka taea te whakatika mā te whakamahi i tēnei aronga rerekē.

  1. Pāwhiria te 'Settings', ā, tīpakohia te 'Preferences'. Kōwhiria te 'Server Settings' mai i ngā kōwhiringa kei raro iho i te 'Section'.
  2. Kei te wāhanga 'Main Options' o te 'Server Settings'. Takia te kōwhiringa ""If moving messages to Trash fails, delete them"", ā, pāwhiria te 'Save'.
     
  3. Ki te oti i a koe i tēnei, pāwhiria te 'Mail', ā, kōwhiria te kōpaki 'Trash' mai i te taha mauī. Tīpakohia te ata taputapu mai i te taha mauī o raro, ā, kōwhiria te 'Empty'.
     

reCAPTCHA

• He aha te reCAPTCHA?

  Ka whakahaumaru te reCAPTCHA i ngā ratonga īmēra Slingshot me ngā pūkete īmēra mai i te paraurehe me te tūkino. Ka whakamahi te reCAPTCHA i tētahi pūkaha tātaringa mōrea taumat kē me ngā wero urutau kia aukati i ngā mahi takahi a ngā pūmanawa aunoa ki ngā pūkete o ā mātou kiritaki. Ka pēnei me te whakawātea tonu i ngā kaiwhakamahi whaimana kia uru māmā tonu ai.

• He aha te take kua whakakotahi ai te reCAPTCHA ki tō mātou waitohu Karere ā-Tukutuku Slingshot?

  Kua tāpirihia te ratonga reCAPTCHA ki te wāhanga takiuru o tō pūhara īmēra kia tautokohia tō haumarutanga. Ka whakaārai te rato nei i te tomonga atu o ngā pūnaha aunoa ki tō pūkete īmēra. Mā reira ka noho tapu tonu ō mōhiohio tūmataiti, ā, ka karo koe i ngā taurekareka e tuku ana i ngā īmēra paraurehe maha mai i tō pūkete (kāti, he mean hōhā rawa tēnei, heoi, ko tētahi atu tino raru, tēnā pea ka tukua tō īmēra kia "Blacklisted" kē, ā, ka whakakorengia katoatia tō tuku i te aha!).