Whai akoranga mō te tukanga rapurongoā aunui me ngā takinga e āhei ana e koe te whakamahi kia ngana ki te whakaora anō i ōu ratonga. I mua mai o ēnei takinga, e tūtohi ana mātou kia tirohia tō mātou whārangi whatinga.

Te Tukanga Rapurongoā

• Hātepe 1: Tīmata anō i tāu taputapu
  Whakawetongia te katoa o ngā pūrere kua hono atu ki te ipurangi, ko tāu pouwhanga anō hoki. Whakakāngia te pouwhanga i te tuatahi, i te wā kua tuihono anō tāu pouwhanga, ka taea e koe te tīmata anō i āu pūrere katoa me te ngana kia hono atu ki te ipurangi.
• Hātepe 2: Hihiratia ngā taura
  Me mātua puru tika, puru whita anō hoki ngā taura katoa. I ētahi wā ka tāpae atu ngā taura tangoro, ngā taura takarepa rānei ki te korenga o ngā ratonga ipurangi.
• Hātepe 3: Hihiratia ngā rama o te pouwhanga
  Tūāhuatanga 1: E kōhikohiko ana, kua kore katoa rānei te rama DSL kei tāu pouwhanga, mehemea kua hono koe ki te Aunui Kaka Kōata, ā, kua kore katoa te rama WAN rānei. Tēnā, toro atu ki te wāhanga 'Isolation Testing'.
  Tūāhuatanga 2: Kua pūmau te rama DSL/WAN kei runga i te pouwhanga ki te kākāriki, ki te kikorangi rānei, ā, kua whero, kua kore katoa rānei te rama Ipurangi o te pouwhanga. Tēnā, tautuhi anō ā-orokohanga i tāu pouwhanga.
  Tūāhuatagna 3: Kāore te pouwhanga i te whakakā. Tēnā, whakamātauhia tāu pouwhanga ki tētahi atu kōhao hiko, ā, whakapā mai ki tō mātou ranga kia whakaritea tētahi pouwhanga kakapinga.
• Hātepe 4 (Kaka Kōata noa iho): Hihiratia ngā rama Kāpeka Whatunga Ōmata
  Tūāhuatanga 1: He whero te rama Ōmata/PON kei runga i tāu Kāpeka Whatunga Ōmata (ONT). Tēnā, hihiratia tō mātou whārangi whatinga kia whakatau mēnā he raru e mōhiotia kētia ki tō takiwā i mua i te whakapā atu ki tō mātou ranga ki te rapu āwhina anō.

  Tūāhuatanga 2: He whero te rama Pāoho/LOS kei runga i tāu Kāpeka Whatunga Ōmata (ONT). Tēnā, hihiratia tō mātou whārangi whatinga kia whakatau mēnā he raru e mōhiotia kētia ki tō takiwā i mua i te whakapā atu ki tō mātou ranga ki te rapu āwhina anō.

Te Whakamātau Mohoaotanga

He mea matua kia whakaotia ngā hātepe kua whakatauhia ki raro iho nei kia whakakorengia tētahi āhuanga e hāngai ana ki tāu taputapu, ki te tatūnga rānei o tō whatunga kāinga hei take mō te korenga o tō ratonga. Ka mātua tēnei kia mōhio tātou kei te whakatutuki i ngā huarahi katoa kia karo i ngā utu kaipūkenga hangarau.

• Ngā Hononga Aunui ADSL me te VDSL

  • I mua i tā mātou tīmata

    Kei te takiwā o te 10-15 mīniti te roa o te whakamātau mohoaotanga, ā, me whai wāhi mai koe ki tāu pouwhanga kia whakatutuki tika.

    Pāwhiria te pere matau kia tīmata i te Whakamātau Mohoaotanga!

  • Hātepe 1: Whakamotu i tāu taputapu

    Whakamotu i ngā waea katoa, i ngā pouwhanga, i ngā tātari, i ētahi atu pūrere rānei mai i ngā kōhao hiko o tō kāinga. Tēnā pea ka whakaoho aunoa ētahi o ngā pūoho aroturuki ina ka whakamotu mai i te kōhao hiko. E tūtohi ana mātou kia whakapā atu koe ki tō kaiwhakahaere pūoho i te tuatahi kia whakamōhio atu ki a rātou e aha ana koe.

  • Hātepe 2: Te whakamātau i ētahi atu kōhao hiko

    Haria tāu pouwhanga ki tētahi kōhao hiko kei roto i tō kāinga, ā, puru atu ki te kōhao hiko. Whakamātauhia te pouwhanga kua hono tōtika atu ki te kōhao hiko, whakakāngia, engari kaua e whakamahi i tētahi tātari. Ki te tīrama mai te rama kua tohua ki te 'DSL', āna kua hono anō tāu pouwhanga.

  • Hātepe 3: Te tūhono anō i āu pūrere

    I whakatutuki te tūhono anō o tāu pouwhanga?

    Āe

    He tohu tēnei ko āu pūrere, ko tāu taputapu rānei te take kua kore tō ratonga. Puru atu anō tāu taputapu, kia ia wāhanga, kia ia wāhanga te haere, ā, hihiratia te tūhono ia te wā. I te wā ka tau anō te raru, kua tautohua e koe te wāhanga o te taputapu e takarepa ana.

    Kāo

    Tēnā pea kei tō kōhao hiko, kei tō taura waea, kei tāu pouwhanga rānei te raru. Whakamātauhia tētahi atu taura waea, ki te kore whai hua tēnā, whakamātauhia tētahi atu kōhao hiko kei roto i tō kāinga me te whakamātau i te hononga ia te wā.

  • Hātepe 4: Ngā Hihira Mutunga

    Ka mutu, e tūtohi ana mātou kia whakahaeretia te hātepe 2 me te hātepe 3 me tētahi pouwhanga kē atu kia whakakorengia taua anō pouwhanga hei mea takarepa.

    Mēnā kua whakaotia e koe ēnei mahi katoa, ā, kāore tonu o ratonga e tika ana, e tūtohi ana mātou kia whakapā mai ki tō mātou ranga. Me maumahara koe kia whakamōhio atu ki a rātou kua oti kē i a koe te whakamātau mohoaotanga.

   

   
• Ngā Tūhono Aunui Kaka Kōata

  • Tīmatahia te Tukanga Whakamātau Mohoaotanga

    Kei te takiwā o te 10-15 mīniti te roa o te whakamātau mohoaotanga, ā, me whai wāhi mai koe ki tāu pouwhanga kia whakatutuki tika.

    Pāwhiria te pere matau kia tīmata i te Whakamātau Mohoaotanga

  • Hātepe 1: Hihiratia tō tatūnga whatunga

    Me mātua tūhono tika, tūhono whita anō hoki tāu pouwhanga ki tāu Kāpeka Whatunga Ōmata (ONT). Ka whakaatu atu o mātou Aratohu Tatūnga Pouwhanga i ngā pārongo e hāngai ana ki te tatūnga ā-kiko o tāu pouwhanga.

  • Hātepe 2: Tīmata anō i tāu pouwhanga

    Whakawetongia te hiko ki tāu pouwhanga, ā, tatari kia pau te 5 mīniti pea i mua i te whakakā anō. Whakamātauhia anō kia hihira mēnā kua whakatikahia te korenga o tō ratonga.

  • Hātepe 3: Whakamātauhia tētahi atu taura

    Whakamātauhia tētahi atu taura itarangi mai i tāu Kāpeka Whatunga Ōmata (ONT) ki tāu pouwhanga. Ka pēnei kia whakatau mēnā kua takarepa haere te taura itarangi e whakamahi ana i te tuatahi. Ka noho te taura itarangi mai i te tauranga WAN ki tāu pouwhanga, ki te tauranga GE1/LAN1 ki tāu Kāpeka Whatunga Ōmata (ONT).

   

   

Me aha ahau ināianei?

Ki te whakapono koe kua whakahaeretia ēnei hātepe katoa, ā, kua kore kite koe i tētahi take mō te raru o tō aunui, whakapā mai ki tō mātou ranga. Ka whakaoti i a tātou ētahi hihiratanga i mua i te tuku pūrongo takarepa.