Tuatahi, me tautohua e koe te pūmanawa e ngana nei e koe te whakamahi ki te tomo atu ki tō īmēra. Ko ngā pūmanawa auau ko te Microsoft Outlook, te Mail, te Mac Mail rānei.

Kei ia o ngā papatono tōna ake huarahi motuhake mō te tatūnga, ā, kei ngā paetukutuku o tēnā papatono, o tēnā papatono ngā tohutohu māmā hei tirohanga māu. I te nuinga o te wā he āhua ōrite ngā hātepe, heoi ka taea hoki ngā mokamoka paku rawa kia rerekē, nā konā ka kore pea ngā hātepe mō te whakariterite i tētahi mōmō e āwhina tika ana i tētahi atu.

[Tēnā, me mōhio mai] Ka kore a Slingshot e tuku wāhitau īmēra, ratonga īmēra rānei ināianei ki ngā kiritaki hou.

Ngā Tautuhinga Īmēra

Whakaurua ngā tautuhinga e tika ana ki tērā e tohu ana kei raro iho nei:

Ingoa Kaiwhakamahi: Koinei te wāhanga tuatahi o tō wāhitau īmēra, ko te wāhanga i mua mai o te tohu @. Hei tauira, mēnā ko te joepatel@slingshot.co.nz tō īmēra, ko te joepatel tō ingoa kaiwhakamahi.
Kupuhipa: Tō kupuhipa Slingshot
Ingoa: Koinei te ingoa ka hiahiatia e koe ngā kaiwhiwhi te kite ina ka whiwhi īmēra rātou mai i a koe. I te nuinga o te wā he pai noa mēnā ko tō ingoa tuatahi me tō ingoa whānau, ka taea hoki pea te whakamahi i tētahi ingoakē, te whakamahi noa i tō wāhitau īmēra rānei. Ina ka tīni tō hiahia kei anamata, he māmā noa te panoni.
Wāhitau Īmēra: Ka tono e ētahi tatūnga īmēra i tō wāhitau īmēra. Tukua noa te katoa o tō wāhitau īmēra Slingshot, kia āpiti atu hoki te @slingshot.co.nz.

Ngā Tautuhinga Tūmau:

Ina e ngākaurua ana koe mō te rerekētanga o te POP me te IMAP, hihiratia tēnei pito kōrero: What is POP and what is IMAP? He pito kōrero anō hoki tā mātou mō te SSL mēnā e whaipānga ana ki a koe.